Bjørnen og den vesle tigeren i Bok på 1-2-3
12.09.2023
No er det laga undervisningsopplegg til tre av historiene om bjørnen og den vesle tigeren.
Bok på 1-2-3 er undervisningsopplegg til gode, nynorske bøker. Opplegga er prega av leik, undring og læreglede og er utforma slik at dei er enkle å ta i bruk i klasserommet.
No ønsker vi å formidle barnebokklassikarane om bjørnen og den vesle tigeren for barnetrinnet. Barnebokskaparen Janosch har gitt oss fantastiske, varme forteljingar med sjarmerande og fargeglade bilete. Desse forteljingane vil vi no gjerne gi vidare til nye generasjonar i begynnaropplæringa.
Bøkene om bjørnen og den vesle tigeren kan lesast gratis på nett, slik at det er ekstra lett å ta opplegga i bruk.
