Bli med på Lesetimen

– Med Lesetimen markerer vi FN sin Internasjonale dag for lese- og skriveferdigheit. Vi håper alle som kan, bruker minst ein time på å lese fredag 8. september klokka 19.00. Det kan vere høgtlesing med barna eller ei god bok for seg sjølv, seier Vibeke Røgler som er dagleg leiar i Foreningen !les.

Vi oppfordrar også til høgtlesing og litterær aktivitet i skular, barnehagar, bibliotek og lesekioskar.

Foreningen! les har laga ei Facebook-hending for Lesetimen der du kan dele bilete av lesetimen din.

Nynorsksenteret har laga ein presentasjon om bakgrunnen for FN sin internasjonale dag for lese- og skriveferdigheiter. Denne presentasjonen kan ein vise for elevane før ein set i gang lesetimen.

Lesetips frå Nynorsksenteret

Barnetrinn:

Heidi Marie Vestrheim: Jenny Fender

Sigmund Løvåsen: Tusen elgar i garasjen

Maria Parr: Oskar og eg. Alle plassane vi er

Ungdomstrinn:

Sigrid Agnethe Hansen: Du veit ingenting

Kari Mathilde Hestad: Sceneskifte

Tor Arve Røssland: Den siste krigen. Overleve 3.

Unge vaksne:

Bjørn Hatterud: Blokka på Bjerke. Tretten år i tredje etasje

Brynjulf Jung Tjønn: Kvit norsk mann

Ragnhild Kolden: Krig