Konkurranse: Lyst til å lage podkast med elevane?

6. januar 2025 startar ein konkurranse om å lage podkast med boktips med elevar på 1.–7. trinn. 

Les ei nynorsk bok saman med elevane, og lag ein podkast der elevane fortel kva dei liker med boka. Detaljane om konkurransen publiserer me 6. januar, og siste frist for innsending er 14. februar. Men det er berre å begynne å lese allereie no!  

Om de vil lage podkastar om fleire bøker, er de hjarteleg velkomne til å sende inn fleire bidrag. Finn inspirasjon på nynorsksenteret.no/barneboktipset 

 I slutten av februar trekker me ut tre klassar som får bokpakkar i premie.