Meir leselyst med podkast
27.05.2026
Frå venstre: Balder, Sondre, Mathilde S., Solveig, Mathilde D. og Eline.
Nynorsksenteret lanserer sesong 3 av podkasten Barneboktipset.
Tekst: Nynorsksenteret
Foto: Ingvild Myklebust Hovden
Alle podkastane er laga i samarbeid med elevane som går i klasse 6 b på Øyra skule i Volda skuleåret 2025/2026.
– Vi er veldig stolte av å ha laga heile 19 podkastar med boktips saman med denne positive gjengen dei siste tre åra. Det har vore mogleg å få til fordi vi har hatt eit godt samarbeid med lærarane, seier høgskulelektor Heidi Fagna ved Nynorsksenteret.
Lærarane har lese dei fem bøkene i podkastsesong 3 høgt for heile klassen. Alle dei 27 elevane i klassen har valt å vere med. Alle elevane har notert ned noko dei likar ved bøkene. Vi har valt ut seks elevar til kvar podkast.
Sesong 1 inneheld ni bøker for 1.–4. trinn.
Sesong 2 inneheld fem bøker for 5.–7. trinn.
Sesong 3 inneheld fem nye bøker for 5.–7. trinn:
Vi har laga ei enkel oppskrift til korleis du kan gjere dette med klassen din. Du treng berre eit nettbrett og ein gratis redigeringsapp.
La elevane lage podkast med boktips
I dette opplegget får elevane lage podkast der dei tipsar andre barn om bøker. Det er laga for 1.–4. trinn, men kan tilpassast alle trinn.
Mellomtrinnet: La elevane lage podkast med boktips
I dette opplegget får elevane lage podkast der dei tipsar andre barn om bøker. Det er laga for 5.–7. trinn, men kan tilpassast alle trinn.
Har klassen laga podkast inspirert av Barneboktipset?
Send gjerne ein e-post til ingvild@nynorsksenteret.no
Då får du og klassen ei lita merksemd i posten.