Å skrive fagartikkel på nynorsk

I denne tverrfaglege undervisningsressursen skal elevane skrive ein fagartikkel på nynorsk. Vi har laga to oppgåver, den eine handlar om ytringsfridom, og den andre handlar om barn og ungdom på flukt.

FNs verdserklæring om menneskerettane og FNs konvensjon for barnerettane er også sentrale tema i oppgåvene. Målet med denne ressursen, i tillegg til auka innsikt i og kunnskap om temaet, er at elevane ved hjelp av modellering og bruk av modelltekst skal lære alle steg i skriveprosessen frå undersøking til ferdig tekst.