Ny ressurs: Biletbøker i ungdomsskulen
20.05.2019
Vi har publisert ein ny ressurs og film som viser korleis ein kan arbeide med biletbøker i ungdomsskulen.
Norsklærar Anne Hufthammer ved Sund ungdomsskule på Sotra har arbeidd med biletbøker i undervisninga i mange år. Ho har utarbeidd eit heilskapleg undervisningsopplegg som viser korleis ein kan jobbe med biletbøker i undervisninga.
Å arbeide med biletbøker i ungdomsskulen er ein fin måte å jobbe med multimodale tekstar på. Læraren og/eller skulebibliotekaren kan til dømes plukke ut gode biletbøker på nynorsk til dei elevane som skal skrive analyse. Elevane som skal lage eigne biletbøker, får god tid til å jobbe med nynorsken.