Undervisingsopplegg til novellesamlinga Tusenfryd

I novellesamlinga Tusenfryd (2022) av Lars Mæhle kan vi lese åtte noveller med ulike hovudpersonar. Dei seks gutane og jentene går i den same klassen, og vi møter dei same elevane igjen i fleire av novellene. Forteljingane heng saman med kvarandre, og slik får vi ei heilskapleg innsikt i liva til tenåringane og relasjonane mellom dei. Kva er årsakene til at dei er som dei er og gjer som dei gjer? Novellesamlinga skildrar brytningstida mellom barn og vaksen, utfordringar og løyndommar. Temaa utanforskap og mobbing er gjennomgåande i novellene.