Fjellet frå Island

Denne teksten handlar om islandske Hafthor Julius Bjørnsson, som er ein av verdas sterkaste menn. Ein dag fekk han ein uventa telefon om han ville vere med i Game of Thrones. Etter dette har han i fleire sesongar spela kjempa The Mountain i serien.

I ressursen skal elevane lese eit lengre, nynorsk portrettintervju med islendingen og bruke informasjonen som kjem fram i intervjuet, til å skrive ein fagtekst i fem avsnitt.

I arbeidet med å skrive fagteksten får elevane hjelp og støtte undervegs. Innleiinga skriv ein saman, og for kvart avsnitt får elevane forslag til temasetning og hjelp til kvar i teksten dei finn innhald til kommentarsetningar som passar til temasetninga. Dei får også hjelp til korleis dei kan skrive ei avslutning.

Ressursen er fin som ei innføring i å skrive fagtekst, og fungerer godt som samskrivingsressurs. Opplegget passar godt til ein dobbeltime i norsk, og har blitt prøvd ut på 8. trinn.

NB: Lysbilete nummer 9 inneheld noko tekst i raudt som du bør ta bort før du deler presentasjonen med elevane.

Har du testa denne ressursen?
Send gjerne tilbakemeldingar til post@nynorsksenteret.no.