Skriving

Når elevane startar på 8. trinn, er det viktig å gje dei positive erfaringar med å skrive på nynorsk.  I denne skriveoppgåva skal elevane presentere seg sjølv skriftleg og øve på å bruke nokre av dei mest vanlege personlege pronomena på nynorsk.  

Er du på jakt etter motiverande nynorske skriveoppgåver som elevane kan arbeide med før sommarferien? I dette oppgåvesettet kan elevane velje mellom ulike typar sommaraktuelle skriveoppgåver.

Å engasjere elevane til å utforske språket kan påverke korleis dei opplever å skrive nynorsk. I denne undervisingsressursen finn du tips til korleis du kan inspirere elevane til å utfalde seg kreativt gjennom skrivinga. Eit anna delmål med arbeidet er å la elevane lese og bli kjende med den nynorske samtidslyrikken. 

Ungdomar er opptatt av sko, og i denne læringsressursen får dei nærlese ein engasjerande artikkel om Nike og skrive ein faktatekst om temaet. Dei skal også reflektere over korleis sko opptrer i språket vårt, og jobbe med grammatikkoppgåver.

Når elevane får skrive om sitt eige liv, får dei reflektere over eigen identitet og kva som har forma dei til å bli den dei er i dag. Å skrive ein sjølvbiografi eller miniportrett om seg sjølv er eit av måla med dette undervisningsopplegget.

Ein del elevar treng litt hjelp til å kome i gang med å skrive kreative oppgåver. Denne ressursen inneheld enkle oppgåver og tips til ulike måtar å starte ein skriveprosess på.

Kva er heime for deg? Dette spørsmålet går som ein raud tråd gjennom denne undervisningsressursen. Elevane må reflektere over kva som særmerkjer heimstaden deira, før dei vert nærare kjende med musikkvideoen og songteksten «Heime» av Synne Vo.

Ta med deg elevane ut, sug inn inntrykka av naturkulissane og la elevane skrive eit assosiasjonsdikt som har våren som tema. I undervisingsopplegget finn du også forslag til korleis ein kan jobbe med vårbingo, skodespel, frodige diktutstillingar og spelelister med utgangspunkt i våren.

Denne engasjerande og aktuelle skriveoppgåva handlar om temaet søvn. Vi viser her korleis ein kan leggje opp til og gjennomføre ein skrivedag for elevar i ungdomsskulen. Til opplegget følgjer det forslag til film, fagtekstar og oppgåver ein kan bruke til å aktivere forkunnskapar og byggje kunnskap om emnet.

Denne ressursen med utgangspunkt i NRK-ungdomsserien Rykter set søkjelyset på fleire relevante problemstillingar kring det å vere tenåring. Gjennom å bruke læringsopplegget får elevane arbeide med spørsmål knytte til ryktespreiing, identitet, gruppepress, sosiale medium og venskap, samstundes som dei må lese og skrive nynorsk over ein lengre periode.

Terje Torkildsen har på oppdrag for Nynorsksenteret skrive ei novelle for ungdomar: Heime-aleine-fest. I dette læringsopplegget skal elevane skrive vidare på novella til Torkildsen gjennom tre skriveoppdrag og lage tilhøyrande digitale forteljingar.

I denne undervisningsressursen skal elevane lese ein nynorsk tekst om 29 år gamle Aslak Maurstad. Han arbeider som direktetekstar i NRK. Dei skal også gjere ulike øvingar der målet er å lære seg å skrive raskt, godt og rett på tastatur.

I ressursen skal elevane lese eit lengre, nynorsk portrettintervju med islendingen, og bruke informasjonen som kjem fram i intervjuet, til å skrive ein fagtekst i fem avsnitt.

Her har vi samla setningsstartarar som klassen kan bruke for å lage eigne grøssarhistorier.

I denne tverrfaglege undervisningsressursen skal elevane skrive ein fagartikkel på nynorsk. Vi har laga to oppgåver, den eine handlar om ytringsfridom, og den andre handlar om barn og ungdom på flukt.

Skriv ein kort tekst og jobb litt med grammatikk samtidig! Inspirasjon til å starte skrivinga får elevane frå eit bilde.

Elevar med nynorsk som hovudmål har nokre utfordringar som elevar med bokmål som hovudmål ikkje møter. I denne fagressursen ser vi på korleis vi som lærarar i alle fag kan hjelpe elevane til å bli trygge nynorskbrukarar.

I januar passar det å setje av tid til å reflektere over året som har gått, og det nye året som ventar. I dette læringsopplegget for 8.–10. trinn finn du samtale- og skriveoppgåver som fremjar refleksjon og ettertanke, og som er lette å ta i bruk i klasserommet.

I denne omsetjingsoppgåva skal elevane ta utgangspunkt i diktet «The Hill We Climb» av Amanda Gorman, og reflektere over kva slags kraft dikting kan ha.

Filmen syner korleis ein kan arbeide grundig og systematisk med lese- og skriveopplæring, heile vegen frå før elevane startar å skrive til det ferdige produktet er klart.

I dette tverrfaglege undervisingsopplegget får elevane prøve seg på omsetjing/attdikting av ein songtekst frå engelsk til nynorsk.

Ein viktig del av arbeidet med argumenterande skriving handlar om at elevane byggjer opp sine eigen kunnskap ved å dekonstruera modelltekstar.

Denne språkløypepakken tek føre seg korleis sidemålsopplæringa kan ta i bruk varierte metodar og engasjere elevar med ulike føresetnader og motivasjon.

Ei samling med uttrykk og skrivemåtar til bruk i fagtekstar.

I denne ressursen har vi samla ulike oppgåver og tips til litteratur i samband med halloween.

Å skrive er både ein reiskap for å lære og ein del av det som skal lærast i faga. Vi skriv ulikt i samfunnsfag og naturfag, og vi skriv ulikt på nynorsk og bokmål.