Juletips

Desembergåva er ein litterær julekalender for ungdomstrinnet, skriven for Nynorsksenteret av forfattaren Linn T. Sunne. Forteljinga er delt inn i 12 kapittel, og hovudstemmene i teksten er tenåringane Dennis og Helin.

Nynorske julesongar i Spotify og Tidal.

Julesongar, med komp og notar, på sida til tunkatten Lurivar.

Jul på Bukken hotell er delt inn i 24 kapittel og har illustrasjonar på nesten alle oppslaga. Språket er levande og historia er sprelsk – dette er ei retteleg fin historie å lesa i lag i ventetida. Vil kjærleiken og håpet overvinna mørkeret?

Malin og veslesystera Molla skal prøve å feire jul i eit hus som dei akkurat har flytta inn i, i lag med ei mor som synest at jula berre er dyr og slitsam. Det nye huset deira ligg i ei gate der gatelyktene ikkje fungerer, og i nabohuset bur det ein veldig einsam person, og så ei heks, eventuelt.

Julemysteriet er den fjerde boka i serien om Klodeklubben, eit detektivbyrå der tre gode vener løyser mystiske miljøsaker.

Mamma til Nora ligg på sjukehuset og ventar på eit nytt hjarte for å bli frisk. Snart er det jul, og pappa og farmor prøver å gjere vanlege og kjekke ting i lag med Nora, slik at ikkje alt skal vere så rart og annleis i år.

Du og eg handlar litt om ein skummel rev, ein langbeint elg og den store, vinterkledde skogen. Men mest handlar boka om to harar som finn kvarandre, og som finn julefred.

Den tredje boka om Jakob og Neikob handlar om venskap, forsoning og jul.

24 julehistorier, på både bokmål og nynorsk, henta frå Barnas juleroser. Mange kjende og kjære forfattarar, som til dømes Frode Grytten, Herborg Kråkevik og Maria Parr, har skrive dei nynorske tekstane i boka.

Seksåringen Pode skal feire jul på hytta med familien sin, med enorme mengder julebakst, gåver og julesongar. Men så kjem Anti-Pode ut av eit gamalt fotografi og prøver å ta over livet hans. Denne spanande og humoristiske julehistoria finst no tilgjengeleg i samleboka Absolutt Pode.

Jon ventar. På julekvelden så klart, men mest av alt på følet som snart skal koma. Hoppa Tyra står føltung i stallen, og Jon skjønar at det kjem til å skje i dag.

Harry og Ivar er tilbake! Denne gongen har Harry (bombe!) fått ein grandiosa idé: å trylle fram ein julekveld i april. I forsøket blir det ikkje spart på ess eller kaninar – og særleg ikkje på vaflar.

Juleepisode av teikneserien Pepar & Gulrot av David Revoy.

Ordlaus juleepisode av teikneserien Pepar & Gulrot av David Revoy.

Teikneserien Futen av Øystein Runde og Knut André Solberg handlar om Mikael Braut, som er fut for Christiania futekontor. I denne juleepisoden møter han colanissen.

På teikneseriesidene våre ligg det ti episodar med serien Fargefjes av Ola Lysgaard. Den siste av episodane er ein juleserie om nissemasker og kva ein skal tru på her i livet.

I Juleboka finn du tekstar av mellom andre Astrid Lindgren, Lena Anderson, Ole Lund Kirkegaard og Ragnar Hovland. Dei svenske, danske og finske tekstane er omsette til nynorsk. Boka inneheld òg oppskrifter på julepynt.

Vesle Annes julegåve av Inger og Lasse Sandberg kan du lesa på sida til Nasjonalbiblioteket.

Nynorskutgåva av denne Anne-Cath. Vestly-boka kan du lese på sida til Nasjonalbiblioteket.

Det kan høve godt å lese ei god novelle i førjulstida. Desse novellene er skrivne av ulike forfattarar og har ulik lengde og ulike tematikkar, men dei har det til felles at hendingane går føre seg i førjulstida eller i jula.