Ressursar til bruk i heimeskule

Slik kan du arbeide med podkast i klasserommet.

Tid for ti er ein gratis, nasjonal leseaksjon for elevar på 7. trinn. Utdrag frå ti nynorske bøker ligg ute både som lydfiler og tekst, og det finst oppgåver til alle utdraga.

Når ein formidlar ein tekst gjennom høgtlesing, treng ein ha god kjennskap til teksten ein skal lese. I denne ressursen skal elevane utforske og eksperimentere med korleis ein kan formidle ein tekst gjennom å lese han høgt.

Det kan fungere godt å skrive med utgangspunkt i eit bilde. Her er nokre døme på bilde ein kan bruke, og spørsmål ein kan stille for å kome i gang med skriving. Det er sjølvsagt mogleg å endre spørsmåla eller fylle på med fleire.

I dette undervisningsopplegget skal elevane leite etter retoriske appellformer og språklege verkemiddel i debattinnlegget «Eit sviktande hjarte» av Egil Romslo Schistad.

Her er nokre skriveoppgåver som tar utgangspunkt i å bruke sansane sine. Det ein ser og høyrer, er lettare å skildre enn det ein luktar og smakar.

Skriveoppgåver med utgangspunkt i tekstar frå Prosa frå ein oppvekst av Jon Fosse. Tekstane kan lesast på nett.

Å be elevane skrive dikt kan vere ei utfordring, men å skrive eit dikt på fem verselinjer etter ei fastlagd oppskrift får dei fleste elevane til.

Å samanlikne tekstar er eit sentralt mål i norskfaget. I denne læringsressursen får elevane samanlikne tekstane «Onsdag 11. mars» av Sigrid Agnete Hansen og «Torsdag 12. mars» av Helga Songøygard Battin.

Skriv ein kort tekst og jobb litt med grammatikk samtidig! Inspirasjon til å starte skrivinga får elevane frå eit bilde.

I dette opplegget bruker vi teikneseriar frå teikneseriesida til Nynorsksenteret som utgangspunkt for skriving.

I denne ressursen finn du skriveoppgåver med utgangspunkt i utdrag frå boka Eit år med Elena Ferrante.

I dette opplegget skal elevane bruke ein tekst frå Framtida.no som utgangspunkt for å arbeide med grammatikk.

Det språklege arbeidet Ivar Aasen dreiv, er godt kjent i undervisninga, medan den litterære diktinga hans har fått mindre merksemd. Her er nokre oppgåver med utgangspunkt i dikt av og om Ivar Aasen.