Julekalender for elevar i ungdomsskulen og vgs.

Desembergåva er ein litterær julekalender for ungdomstrinnet, skriven for Nynorsksenteret av forfattaren Linn T. Sunne. Forteljinga er delt inn i 12 kapittel, og hovudstemmene i teksten er tenåringane Dennis og Helin.

Julekalenderen for ungdomsskulen og vidaregåande skule vart opphavleg laga i 2022, men innhaldet er oppdatert for å passe til jula i år. Her finn du skrivestartarar, boktips og julesongar med tilhøyrande samtalespørsmål som elevane kan arbeide med i klasserommet.

La elevane arbeide med samansette tekstar ved å lage humoristiske tekstar til gamle julebilete.

Med utgangspunkt i julebilete får elevane øve seg på å skildre ved hjelp av adjektiv.

I dette opplegget nærles elevane ein tekst om jula. Deretter lagar dei kryssord med utgangspunkt i teksten.

I denne oppgåva skal elevane delast inn i par og samskrive ei juleforteljing med forviklingar.

Bruk ein spinnar eller ein terning for å sjå kva oppgåve(r) du skal gjere. Denne oppgåva kan ein gjere individuelt eller i gruppe, munnleg eller skriftleg.

Elevane skriv om seg sjølve på eit ark som dei deretter krøllar saman til ein snøball. Når læraren roper «snøballkrig», kastar alle elevane snøballane mot kvarandre. Deretter vert oppgåva å finne ut kven som har skrive kva snøball.

I dette opplegget får elevane arbeide med substantiv og spele julebingo.

Vel deg ut eit ord og søk det opp i ordboka. Kva finn du ut om ordet? Kva betyr dei ulike kodane i ordforklaringa? Vel forklaring og illustrer ordet med scrabble-bokstavar. Lag anten eit julekort eller eit julebilete.

I dette opplegget får elevane kombinere verbbøying og kreativt arbeid. Bøying av juleverb vert utgangspunkt for å lage fine julekort.

Dette er ein leik som kan gjerast både ute og inne, og ein kan forandre setninga som er utgangspunkt for leiken, til å passe til andre tema.

I dette opplegget skal elevane lese ein tekst på nysgjerrigper.no om julegåver. Deretter kan dei ta ein kahoot med spørsmål frå teksten.

Finn adjektiva i rutenettet. Dei kan stå både vassrett og loddrett.

Martin skomakar er ein barneklassikar av den russiske forfattaren Leo Tolstoj. Her er eit tverrfagleg undervisningsopplegg for barnetrinnet 1.–4. i norsk og samfunnsfag, med utgangspunkt i boka. Boka ligg ute til gratis lesing på skjerm.

Frode Grytten har skrive eit moderne eventyr med utgangspunkt i «Piken med svovelstikkene». Du kan høyre eventyret gratis her på sida.

Det kan høve godt å lese ei god novelle i førjulstida. Desse novellene er skrivne av ulike forfattarar og har ulik lengde og ulike tematikkar, men dei har det til felles at hendingane går føre seg i førjulstida eller i jula.

I dette læringsopplegget tek elevane i bruk ein tverrfagleg og temabasert metode for å utforske ulike problemstillingar som er relevante for tida me er inne i. Storyline-metodikken har som mål å få elevane til å tenkje kritisk, reflektere og samarbeide om ulike læringsfremjande oppgåver.

Nynorske julesongar i Spotify og Tidal.