Årshjul og merkedagar

Bokstavsommaren er ei bok av Erna Osland og Inger Lise Belsvik. Kvar bokstav har sin eigen tekst. Sjølvsagt kan ein lese om alle bokstavane, men i dette tverrfaglege Bok på 1-2-3-opplegget kan ein ta ein tur ut, til dømes i fjøra, lese tekstane og deretter lage «landkunst» av bokstavane eller anna innhald frå tekstane. Ein annan aktivitet kan vere å plukke plast.

I dette tverrfaglege Bok på 1-2-3-opplegget får vi oppleve musikk og magi på setra. Vi får lese om dei underjordiske, og kanskje møter vi huldra? Boka inneheld mange songar, og gjennom lydfiler og filmar er det enkelt å syngje med.

Nynorsksenteret har mange brettebøker med korte tekstar som kan brettast til ei lita bok. Desse tekstane kan brukast på mange måtar. Dei kan vere modellar for skriving, eller ein kan lese tekstane på skjerm. Elevane kan også lage eigne illustrasjonar til tekstane. Denne bretteboka handlar om å få vener når ein byrjar på skulen, og finst både som skjermtekst og som brettebok.

Denne undervisningsaktiviteten handlar om å vere takknemleg og reflektere over kva ein er glad for. Elevane skriv noko dei er takknemlege for, på eit haustblad. 

Nedbør er eit velkjent fenomen om hausten, og Oskar Stein Bjørlykke har blitt inspirert til å skrive dikt om regnet. Denne animasjonsfilmen som er laga av Martine Grande, er sett saman av barneteikningar. Filmen kan brukast som han er, men kanskje har de lyst å gjere noko liknande? Det finst mange program på PC eller nettbrett som let elevane animere teikningane sine.

I boka Kakerlakken med den stygge frakken … og hovudet fullt av triste tankar av Martine Grande møter vi ein kakerlakk som spring naken omkring og er lykkeleg – så lenge det er sommar. Men når hausten kjem, sloknar sola både ute, og inne i kakerlakken. Boka kan du låne på bilblioteket, og her på sida finn du ei brettebok med teikningar frå historia om kakerlakken.

Her er ei leseoppgåve der elevane skal teikne eit skummelt hus etter skriftlege instruksjonar. Teikninga elevane lagar, kan vere eit fint utgangspunkt for skriving. Til dømes kan dei skrive ein tekst om kven som bur i huset dei har teikna. Denne ressursen kan også brukast i kunst og handverk.

Oppgåve der elevane skal finne halloween-ord i eit rutenett. Orda skal dei deretter bruke som utgangspunkt for skriving. Vi har òg laga til ein fasit.

Når det er innetid og lesetid, passar det bra med ein ekte grøssar. Me har samla nokre boktips for små barn, skulebarn og ungdomar. – Låg, middels og høg grad av grøss.

Å skrive ei ønskeliste kan vere fin skrivetrening for dei yngste.

Elevane trillar terning for å sjå kva oppgåve dei skal gjere til kva juleord.

Elevane skriv om seg sjølve på eit ark som dei deretter krøllar saman til ein snøball. Når læraren roper «snøballkrig», kastar alle elevane snøballane mot kvarandre. Deretter vert oppgåva å finne ut kven som har skrive kva snøball.

I denne luka av kalenderen finn du ein julebingo som elevane kan spele.

Eit figurdikt er eit dikt som er forma som tingen eller gjenstanden diktet handlar om. Forma eller figuren er med på å leggje meining til diktet. I denne oppgåva får elevane lage eit juletredikt.

La elevane skrive artige julesetningar ved å trille terning.

Ulike oppgåver knytte til luciadagen.

Til luciadagen kan elevane lære ein song og/eller brette og klippe Lucia-figurar.

Januar kan vere mørk og kald, naturen søv, og vi lengtar alle mot varmare tider. Tverrfagleg opplegg for 1.–4. klasse i faga norsk, kunst og handverk og musikk.

I denne ressursen finn de forslag til samtalespørsmål, teikne- og skriveoppgåver om året som var, og året som kjem, fakta om nyttårsløfte og fyrverkeri og oppgåver om substantiv og nynorsk grammatikk. Her er også forslag til eit kunstverk elevane kan lage i kunst og handverk, og eit forsøk de kan gjere i naturfag.

Tonje Glimmerdal er ei kjend og populær bok av Maria Parr, og boka høver særs godt som høgtlesingsbok frå 1. trinn og oppover. Bok på 1-2-3 har eit undervisningsopplegg til boka, og her må ein sjølv velje kva aktivitetar som passar til elevgruppa ein har. Tverrfagleg opplegg i norsk, musikk og kunst og handverk.

Til Kautokeino er ei brettebok som elevane kan brette, og kanskje fargelegge eller lage eigne illustrasjonar til? Boka handlar om venskap, og ei jente som lengtar til Kautokeino, midnattssol, reinsdyrflokkar og venen sin, Matti. 

Brettebok | Tekst til skjermlesing

I ordmatrisa gøymer det seg 12 påskerelaterte ord. Orda står horisontalt og vertikalt, og bokstavane kan høyre til fleire ord. Lat elevane arbeide saman to og to og gå på ordjakt.

Ylva og villgeitene er ei vakker biletbok om Ylva og pappa som reiser til sommarhuset ved havet. I dette opplegget i Bok på 1-2-3 får ein lese boka med lesestopp, og deretter arbeide med både geologi og meteorologi. Tverrfagleg undervisningsopplegg i norsk og naturfag for 1.–4. trinnet.

Og så kan sommaren begynne er ei brettebok. Historia handlar om Youssuf og Eva som har avtalt å verte kjærastar når sommaren byrjar. Bretteboka kan nyttast som lesetekst, eller som ei lita kunst-og-handverk-oppgåve.

Brettebok | Tekst til skjermlesing